碎花牛仔小包

因為訂了新的皮革帶,
所以縫製了這個小包包.
可以送給一個我敬愛的人.

挑戰大難度

近日都是沉迷於Patch work bag當中,

但因為見到一塊好舒服的紅格棉布,

所以我決定大難度,

注意:它並不是高難度, 只是大而已.

因為我要車床單,

它並不難縫製,

而且算容易,

只是因為太大,

所以計算及裁剪比較困難.

趕不上新年用,

但今日元宵佳節用啦.

My fashion moments 87-07

我從來都不是潮人,

對fashion認識近乎無.

但因為wyman令80後的我認識到黎堅惠,

雖然對她的認識好淺,

但因為一張哥哥張國榮的照片,

我買了-My fashion moments 97-07,

非常非常之好睇,

因為她記錄了她的工作, 她的青春, 她的fashion, 她的型, 她的爆, 她的黃金撈飯的好年華.

她遇到的都曾是我夢想的.

真希望我可以早20年出世,

多麼感激今日百無了賴地遇到一本好書.

可能是黎堅惠小姐的<真>, 令這本書已經出到第四版了.

Cath Kidston

話說睇中一個好平凡又唔係好平凡的環保靚包包.
唸左好多日,
終於去買,
點知?
最後一個比人買左....
唉!!!

係心痛又失望之際,
唸起水貨鋪好似有wor,
唸都唔唸即刻去搵,
hehe...
皇天不負有心人,

係最窮個一刻又比我接到job的一剎,
怕買唔到又搵到,
怕佢無8折又有個9折的那一秒,
我買了你,
yeah!!

小雲頸錬

近日凍到拿唔起枝針呀.

小雲頸錬係早排手作.

我著大冷衫時常常帶住佢.

sew sew sew

從小我就愛sew sew sew,

應該因為我媽咪係裁縫的原因吧!

長大了, 才開始認真去sew sew sew.

現家我媽咪的店子只替人改衣服,

而且越做越大,

因為地方大左,

衣車多左,

我便可以隨時去用sew sew sew了.

Ginger Bread Man

結婚的時候,
愛手作的我厭唔夠多野做,
咩都攬上身要手作一番.
wakakeke...
係辛苦d, 但好快樂啊!

一班兄弟姊妹的手花, 心口花,

我棄用了鮮花,

用上我手作的主題公仔-ginger bread man.

既環保又有紀念價值,

希望我班兄弟姊妹唔厭我低b.

註冊時的公仔

我真的好鐘意啊!

又中又西....

花車也用上了.

同場加影, 製作朋友為我造的背景.

回禮禮物, 姜餅人珍寶珠.

送比一班姊妹的禮物是我手造的拼布袋

家中小狗花女裙都是我造的.

Lileely@情人節地灘

Lileely @情人節地灘2010
日期: 7/2/2010
地點: 四樓工場
我第一次擺地灘,
有幸得到各方好朋友支持,
圓滿舉行,
當日售買了我最愛的拼布包包,
大小都有.
仲有相機仔8達通,冬甩圈頸錬,
心口針, 手作製作包.

呢個紅色vintage行李箱用黎裝我的手作,
係咪好靚呢?
以後見到佢, 即係我要擺檔了.

特別為情人節造的蛋糕裝飾.

bling bling心口針

古董手飾初階班

無事做咩都走去學既我,
已經學過德文, 國語, 日文, 蛋糕, 麵包, 西餐,
現定升呢學古董手飾.
以下其中一個作品.
我覺得vintage呢一樣野,
真係好藝術,
因為佢花既時間好多,
但可以用黎搵錢就太難,
當然也有例外的.

bling bling心口針/頭飾

因為越買越多物料,

所以開始想造心口針,

一來我家中有好多黑色衣服,

特別新買那幾件黑色西裝外套,

真的很想弄個自家製心口針襯托一下.

便開始亂整一番.

原來頭飾整得靚真係好困難,

我要加油!

咁靚女更係唔係我啦.

係我個好朋友wiyona.

開心利士袋

可能我外表也實在太年輕了,

wakakaka....

所以很多人都不知道我是已婚人士啊!

其實我今年是第一年派利士,

心血來潮,

縫了一個利士袋,

我的手藝要再有待改進.

但完成品都很喜慶啊!

如果你不知道我結了婚,

你看見它應該不會問我拿利士吧!

因為它看似一個普通cute cute相機袋吧!

小相機仔與冬甩圈

相機仔同冬甩圈都是我第一次擺地灘中的手作.

因為我愛snap shot,

雖然拍得不好,

但我仍然愛亂拍.

而且我愛菲林相機,

所以好自然我便做了相機仔,

之後在想它可有什麼用呢?

我想到了.

放8達通吧!

每天都在大背包亂找銀包的我,

有了你便型夾易.

好想食左你, 肚餓時掛係心口, 望梅止渴.